أضف الرد 
 
تقييم الموضوع:
  • 2 أصوات - بمعدل 3.5
  • 1
  • 2
  • 3
  • 4
  • 5
نوبات الهلع
05-19-2014, 11:27 AM
مشاركة : #1
نوبات الهلع
السلام عليكم
بتمنى اخي سامر تقرأ رسالتي للنهاية وانا متأكدة رح تفهم وضعي لانك عشت هاي المشكلة وتقدملي النصيحة لحل مشكلتي

تقريبا من 4 سنين وبدون سابق انذار صار عندي سرعة في نبضات القلب وخوف شديد روحت على الطوارئ والحمدلله حكولي ما فيكي اشي
بس من وقتها ولليوم ما خليت طبيب اعصاب وطبيب باطني وفحوصات وتخطيط قلب وفحوصات للغدة
لكن الحمدلله النتيجة واحدة ما فيكي اشي بس انا واثقة انو عندي مشكلة بس ما عرفت شو هي صارت تيجيني حالة الخوف وتعب الاعصاب
بشكل يومي لدرجة اشوف الموت بعيوني وصار عندي خوف اني اطلع لاي مكان او اضل لحالي او ابعد عن بيتي واهلي وصار عندي خوف من الموت بشكل
كبير وخوف من النوبات القلبية وصار عندي تعب بجسمي وهبوط وكسل ونحافة وتغير في لون البشرة
بديت ابحث على النت من كم شهر تقريبا عرفت اني بعاني من نوبات الهلع لكن مشكلتي انو ما
حد من اهلي متفهم اللي بصرلي خصوصا لما ياخدوني على الدكتور ويحكيلي ما فيكي اشي كلمتهم الوحيدة عقلك مغلبك حطي عقلك براسك
انا كنت انحرق من جوا بس ما حد فاهم وضعي وانا متفهمة وضعهم انا لو ما تعرضت لهاي المشكلة كان عمري ما سمعت بنوبات الخوف وعمري ما اقتنعت انو
الواحد ما بقدر يسيطر على نفسو بس الحمدلله على كل حال بحاول بكل الطرق اني اوجد حل للمشكلة بس كل ما اشوف علاج او تقنية بتفائل بس لما اجربو
وما يجيب معي نتيجة برجعلي الاحباط ودائما اقول لحالي لازم اقضي على هالحالة بس للاسف وضعي صعب والطب النفسي عنا مش متوفر
ما في قدامي غير النت ابحث من خلالو على حل لهاي المشكلة بس للاسف لهلأ مش قادرة
اوصل لحل, من جديد اتعرفت على تقنية الحرية النفسية اعطتني امل انو الي سنين بدور على حل معقول من خلال تربيتات احل مشكلة سنين بس للاسف ما
جابت نتيجة معي وكتير بسمع لاطباء من خلال اليوتيوب بس المعظم اما عن طريق الدواء او من خلال الكلام
انو لازم تعرف انها مجرد نوبة وانو ما بصير الا اللي كاتبو ربنا ونعم بالله
بس هاي مشكلة ما بتنحل بالكلام, ومن خلال اليوتيوب شفتك وكانت نافذت امل جديدة الي
و قررت احل مشكلتي باي شكل
واكيد انت حاسس بكلامي وبوضعي
قال رسول الله صلى الله عليه وسلم قال : (( المسلم أخو المسلم لا يظلمه ولا يسلمه. من كان في حاجة أخيه ؛ كان الله في حاجته ، ومن فرج عن مسلم كربة ؛ فرج الله عنه بها كربة من كرب يوم القيامة ، ومن ستر مسلماً ؛ ستره الله يوم القيامة ))
ارجو المساعدة والله يجزيك كل خير
البحث عن مشاركات العضو
رد مع اقتباس
06-19-2014, 08:27 PM
مشاركة : #2
RE: نوبات الهلع
وانا نفس مشكلتك مفي فرق بيني وبينك والحمدالله على كل حال على نت وببالبيت دايم مطلع Sad وش نسوي هاضه حضنا

يارب يشفيي ويشفيك
البحث عن مشاركات العضو
رد مع اقتباس
07-07-2014, 07:20 AM
مشاركة : #3
RE: نوبات الهلع
وعليكم السلام , بخصوص تسارع ضربات القلب فهي مشكلة , ولكن هذه ليست المشكلة الاساسية , لا اريؤد منك ان تتشتت في التركيز على تسارع ضربات القلب بقدر تركيزك على حل المشكلة من جذورها , في المدونة كتبت حول دواء الاندورال والبوتاسيوم وكيف يمكننا الاستفادة منهما , ارجو الذهاب الى المدونة والاطلاع على المعلومات .

لا تنسوا ان تذهبوا الى الموقع والاطلاع على الاقسام الاخرى
www.killpanic.com
زيارة موقع العضو البحث عن مشاركات العضو
رد مع اقتباس
أضف الرد 


التنقل السريع :


الذين يشاهدون هذا الموضوع: 1 زائر